அவியல் - பரிசல்காரன் கவனிக்க

நம்ம பரிசல்காரர் அவியல் என்ற பெயரில் தவறான தகவலைத் தந்து ஊரை ஏமாற்றுகிறார்... இதோ உண்மையான அவியல்..

தேவையான பொருட்கள்

• கத்தரிக்காய் 2
• வாழைக்காய் 2
• உருளைகிழங்கு 2
• கேரட் 2
• பீன்ஸ் 100 கிராம்
• பூசணிக்காய் 2 பெரிய துண்டுகள்
  
• முருங்கக்காய் 3
• தேங்காய் பாதியளவு
• புளித்தத் தயிர் 2 கப்
• பச்சை மிளகாய் 5
• மஞ்சள் பொடி ½ டேபிள் ஸ்பூன்
  
• கடுகு ½ டேபிள் ஸ்பூன்
  
• உப்பு தேவைக்கேற்ப ( சூடு சொரணைக்கேற்ப )

செய்முறை :

காய்கறிகள் அனைத்தையும் நன்றாகக் கழுவி 2 துண்டுகளாக வெட்டிக் கொள்ளவும்.( காய்கறிகளை மட்டும்.. கையையும் சேர்த்து அல்ல)..

பிறகு மஞ்சள் பொடி மற்றும் உப்பு சேர்த்து வேகவைக்க வேண்டும்... பின் தேங்காயை துருவி அதனுடன் சிறிதளவு சீரகம் மற்றும் பச்சைமிளகாய் சேர்த்து அரைக்க வேண்டும். சீரகம் சேர்த்தால் நல்ல பசை போன்று அரைக்கமுடியும்.( டிப்ஸ்மா டிப்ஸ்.. )

இப்போது வேக வைத்த காய்கறிகளுடன், அரைத்த தேங்காய் + பச்சை மிளகாய் கலவையை சேர்த்து அதனுடன் புளித்த தயிர் மற்றும் சூடு சொரணைக்கேற்ப உப்பும் சேர்த்து குறைவான வெப்பத்தில் சில நிமிடங்கள் சூடுபடுத்த வேண்டும்.

பின் கடைசியாக சிறிதளவு கடுகு, தேங்காய் எண்ணெய் மற்றும் கருவேப்பி்லை சேர்த்து மிதமான சூட்டில் வேக வைக்க வேண்டும்.

....... அவியல் ரெடி.......

பரிசலாரே இது தான் அவியல்.. கண்டதையும் சொல்லி ஊரை எமாற்ற வேண்டாம் என கேட்டுக் கொள்கிறேன்.. :))

.....எங்களுக்கும் சமையல் தெரியும் ஓய்.. :))