பின்லேடனை அழைத்தீர்களா?

நேற்றைய தினம் நான் ஒரு வீட்டில் பீரோபுல்லிங் பண்ணி ஆட்டைய போட்டுக் கொண்டிருந்த போது அருகில் வந்த ஒரு தெரிந்த அன்பர் ஹாய் என்றார். நான் ஆட்டையப் போடும் போது ஆண்டவனே அருகில் வந்து சொரிந்தாலும் நான் கண்டுக்க மாட்டேன். ஒரு வீட்டில் ஆட்டையப் போட நினைத்து பீரோவை இழுத்துக் கொண்டிருந்த போது ஐந்தே நிமிடத்தில் பீரோவை இழுத்து உதவியவர் அந்த அன்பர்.அதோடு என் கொள்ளைப் பொருட்களின் தீவிர நுகர்வோர் அவர். அந்த நன்றிக் கடனுக்காக ’இன்னாமே’ என்று கேட்டுத் தொலைத்து விட்டேன். அதன் பலன் கைமேல் கிடைத்தது. அன்பர் ஒரு பிரபல பிக் பாக்கெட் பேர்வழி. பிக் பாக்கெட் அடிப்பவர்களெல்லாம் இன்று முட்டுக் காட்டில் கூடுகிறார்களாம். அதற்கு நான் வர வேண்டுமாம்.

ஏன் ஐயா, கொள்ளைக்காரன் என்றால் உங்கள் வீட்டு எடுபிடியா? நீங்கள் கூப்பிட்ட இடத்துக்கு ஓடி வருவதற்கு? அதோடு, இதுதான் ஒரு பிரபல கொள்ளையனை ஒரு கூட்டத்துக்கு அழைக்கும் முறையா?

பொதுவாக நான், 25 ஆண்டுகளாக தொடர் கொள்ளை அடித்துவரும் வரும் என் மதிப்புக்குரிய ஒரு கொள்ளைக்காரனையும் நேற்றே அடிக்கத் துவங்கியிருக்கும் ஒரு பிக் பாக்கெட் இளைஞனையும் தராதரம் பார்க்காமல் சமமான அளவிலேயே பாவித்துப் பழகுவேன். பீரோ புல்லிங் திருடன், பிக் பாக்கெட் அடிப்பவன் என்றெல்லாம் பார்த்துப் பழகுவது எனக்கு வழக்கமில்லை. ஆனால் என்னுடைய இந்த மொள்ளமாறித் தனத்தை தங்களுக்குச் சாதகமாக நினைத்துக் கொண்டு பலரும் நம்முடைய தோளுக்கு மேல் ஏறிக் கொண்டு நம்மை அவர்கள் ப்ளேடுக்கு சானை பிடிக்க வைக்க பார்க்கிறார்கள்.

சரி, நேரம் இன்னும் இருக்கிறது. அந்தக் குறிப்பிட்ட பிக்பாக்கெட் பேர்வழிகள் கூட்டத்திற்கு பின்லேடனையும் அழைத்திருக்கிறீர்களா? அப்படியானால் நானும் வருகிறேன். சரியா?

09.0.2050.

5.19 p.m.

.... இது யாரையும் புண்படுத்த எழுதவில்லை.. சும்மா டைம் பாஸ் மச்சி ....

மாயாவதி+பிரகாஷ் காரட்+வடிவேலு

மாயாவதி + சந்திரபாபுநாய்டு + வடிவேலு என்றும் சொல்லலாம்.. ஆனால் சந்திரபாபு நாய்டு பரவாயில்ல... உசுப்பேத்திவிட்ட கைய்யோடு எஸ்கேப் ஆனவர் பிரகாஷ் காரட் தான்... :))

அபிஅம்மா.. அபிக்கு மட்டும் இல்ல.. எங்களுக்கும்..

அந்த வீட்டிலேயே ரொம்ப நல்லவங்க.. எதையும் தாங்கும் இதயம்.. பின்ன.. இந்த அபியப்பாவை சமாளிக்கிறது எவ்வளவு பெரிய விஷயம்?.. அதை விட பெரிய விஷயம் அந்த அராத்து அபிராமியையும் குட்டி தாதா நட்டுவையும் சமாளிக்கிறது.. அப்பப்பா.. என்னா ஒரு வில்லத் தனமானவங்க இவங்க 3 பேரும்.... ஆனா நான் எதையும் தாங்கும் இதயம்னு சொன்னதுக்கு காரணம் வேற.. அதாவது 2 நாள் எங்களுக்கு சமைச்சி போட்டு சமாளிச்சாங்க பாருங்க.. நிஜமாவே அபி அம்மா தி க்ரேட் தான்.

15ம் தேதி காலைல அபி வீட்டுக்கு போனோம்..மேல் மாடி ரூம்ல போய் பேக் எல்லாம் அப்டியே கடாசிட்டு கட்டில் மேல உக்காந்து கொஞ்ச நேரம் கதை அடிச்சிட்டு இருந்தோம். பசிக்க ஆரம்பிச்சது... எல்லாரும் மாத்தி மாத்தி ஒருத்தர் மூஞ்சிய இன்னொருத்தர் பாத்துட்டு இருந்தோம்... பூனைக்கு யாரு மணி கட்டறதுங்கற ரேஞ்ச்ல...சாப்ட போறதுக்கு இல்ல.. அதுக்கு முன்னாடி பல் துளக்கிட்டு அப்புறம் குளிக்கனுமாம்ல.. அப்போ தான் சோறு போடுவாங்களாம்.. என்ன கொடுமை சார் இது...எங்களோட பல வருஷ விரதத்தை கலைக்க வச்சிட்டாங்க.. சரி மொதல்ல யார் குளிக்கிறது?.. நீ நான்னு எங்களுக்குள்ள செம போட்டி.. யார் கடைசியா குளிக்கிறதுங்கறதுல....:)

அப்புறம் ஒரு வழியா கொஞ்சம் பெருந்தன்மையோடயும் செம கடுப்போடயும் நம்ம இம்சை அண்ணன் முதல் ஆளாக குளிக்க போனார்... அப்புறம் கொஞ்சம் விட்டுக் குடுத்து இளையகவி கணேஷ் குளிச்சார்.. மங்களூர் சிவா மாம்ஸ் குளிக்கட்டும் .. அப்புறம் நாம குளிக்கலாம் என்று நான் காத்துட்டு இருந்தேன்.. ஆனா அந்தாளுக்கு சரியான நெஞ்சழுத்தம். அபிஅப்பா லேப்டாப்பில சார்ஜ் தீரும் வரை ஆன்லைனில் இருந்தார். நானும் எவ்வளவு நேரம் தான் பசியை கட்டுபடுத்திட்டு இருக்கிறது.... போய்யா டேஷ்னு நான் குளிக்க போய்ட்டேன்.. அப்புறமா அவர கழுத்த புடிச்சி பாத் ரூம்ல தள்ளி விட்டோம்.. குளிச்சாரா இல்ல.. தலையை மட்டும் நனைச்சிட்டு வந்தாரா தெரியலை.

அப்புறம் கீழ போய் ஹால்ல ரவுண்டு கட்டி உக்காந்தோம்...ஒரு பெரிய ஹாட் பாக்ஸ்ல பூரி.. அதைவிட பெரிய ஹாட் பாக்ஸ்ல இட்லி.. அதைவிட ரொம்ப பெரிய பாத்திரத்துல பொங்கல்... அதை பார்த்ததும் நாங்க எல்லாரும் கோரஸா சொன்ன டயலாக் " அச்சச்சோ.. எதுக்கு இவ்ளோ சமைச்சிங்க.. யார் இதெல்லாம் சாப்பிடறது? எங்க 4 பேருக்கு இவ்ளோ எதுக்கு.. எல்லாம் வீணாகப் போகுது"... சரி.. பசங்க எல்லாம் கம்மியா தான் சாப்பிடுவாங்க போலனு நெனச்சிட்டாங்க போல..

இன்னும் சிலர் வரேன்னு சொல்லிட்டு கடைசி நேரத்துல வராம போய்ட்டாங்க. அது அபி அம்மாவுக்கு தெரியாது. அதனால அவங்க குத்து மதிப்பா ஒரு 15 பேருக்கு சமைச்சி வச்சது தான் மேல நான் சொன்னது எல்லாம்... உங்களுக்கு எதுக்கு சிரமம் .. நாங்களே போட்டுக்கிறோம்.. எல்லாத்தயும் இங்க எடுத்து வச்சிடுங்கன்னு சொன்னப்போவே அபிஅம்மா உஷாரா ஆயிருக்கனும். ஆனா பாவம்.. அவங்க எங்கள எல்லாம் ரொம்ப நல்லவங்கனு நெனச்சாங்களோ என்னவோ.. சமைச்சதை எல்லாம் அப்டியே கொண்டு வந்து வச்சிட்டாங்க.

எல்லாரும் முதல் ரவுண்டு இட்லில ஆரம்பிச்சோம். முதல் ரவுண்டு முடியும் போது பாதி இட்லி காலி.. அடுத்து பூரி... பூரிக்கான முதல் ரவுண்டுலையே மொத்தமும் காலி...அடுத்து பொங்கல் முதல் ரவுண்டு... நாங்க பொங்கல் சாப்டுட்டு இருக்கும் போதெ அபிஅம்மா கிச்சன்க்கு போய்ட்டாங்க...சரி எதோ வேலை இருக்கும் போலன்னு நெனைச்சிட்டு நாங்க எங்க கட்மைல கண்ணா இருந்தோம். அடுத்து இட்லி ரெண்டாவது ரவுண்டு ஆரம்பிச்சோம். ரெண்டாவது ரவுண்ட்ல இட்லி காலி. அடுத்து பூரியும் காலி. அடுத்த கொஞ்ச நேரத்துல பொங்கலும் காலி...பொங்கல் காலி ஆகற நேரத்துல அபிஅம்மா ஒரு பெரிய பாத்திரம் கொண்டு வந்து வச்சாங்க. என்னடானு பார்த்தா அந்த பாத்திரம் ஃபுல்லா பூரி.. நாங்க சாப்ட்ட வேகத்தை பார்த்து பயந்து போய் திரும்பவும் பூரி செய்யத் தான் சமையல் கட்டுக்கு போய் இருக்காங்க.. ஆஹா.. என்ன ஒரு தீர்க்கத் தரிசி... நிஜமா சொல்றேன்.. மிகை படுத்தல.. அந்த பாத்திரமும் கொஞ்ச நேரத்துல காலி... அபி அம்மாவும் சளைக்காம பூரி செஞ்சி சுடச் சுட குடுத்துட்டே இருக்காங்க.. நாங்களும் சாப்டுட்டே இருக்கோம்.... ஒரு கட்டத்துல எங்க வேகம் கொறைஞ்சது. சரி.. இபோதைக்கு இது போதும்னு எழ நினைக்கும் போது.. இந்த அபி அப்பா வாயை வச்சிட்டு சும்மா இருக்க மாட்டாரா? யார்னா முட்டை தோசை சாப்பிடறிங்களானு ஒரு வார்த்தையை கேட்டுட்டார்... இம்சை வேண்டாம்னு சொல்லிட்டார்.. நானும் காலை நேரத்தில் முட்டை கலந்த உணவு சாப்பிட மாட்டேன்.. நானும் வேண்டாம் என்று சொல்லிட்டேன்... மங்களூர் சிவா, வீட்டில் மட்டும் அசைவம் சாப்பிடும் பழக்கம் இல்லை.. அதனால் அவரும் வேண்டாம் என்று சொல்லிட்டார்... அடுத்து நம்ம இளைய கவி கணேஷ்.. அவரால் வேண்டும் என்றும் சொல்ல முடிய வில்லை.. வேண்டாம் என்றும் சொல்ல முடியவில்லை... ஒரு மாதிரியாக நெளிந்தார்... அபிஅப்பாவும் மற்ற இடத்தில் இப்படி தான் நெளிவாரோ என்னவோ.... சரியாக கண்டு பிடித்துவிட்டார்... ஒரு முட்டை தோசை மட்டுமாவது சாப்பிடுங்க என்று இளைய கவியிடம் சொன்னது தான் தாமதம்... நாங்கள் அனைவரும் வேண்டாம் என்று சொல்லிவிட்டதால் அவரால் நேரடியாக கேட்க முடியவில்லை.. எனவே அபிஅப்பாவை பார்த்து நீங்க சாப்பிடறதா இருந்தா நான் சாப்பிடறேன் என்று ஒரு பிட்டை போட்டார்... அவர் அப்படி சொல்லி முடிக்கவும் அபிஅம்மா ஒரு முட்டை தோசையை இளைய கவி தட்டில் வைக்காவும் சரியாக இருந்தது... அதாவது மக்களே..இவர் நெளிவதை பார்த்த உடனே அபிஅம்மா தோசை ஊத்த ஆரம்பிச்சிடாங்க போல... மறுபடியும் என்னா ஒரு தீர்க்கத் தரிசி.... அப்டியே மீன் வறுவல், வடை என்று ப்ளேட் ப்ளேட்டாக காலி ஆய்ட்டு இருந்தது..இப்படியாக ஒரு வழியாக காலை "சிற்றுண்டி" முடிந்தது.

............ என் பக்கத்தில் அமர்ந்து சாப்பிட்ட அபியை பார்க்க பாவமாக இருந்தது... அதனால ஒரு பூரியை எடுத்து அவள் தட்டில் வைத்தேன்... அங்கிள் என்னால சாப்பிட முடியாது அங்கிள்னு சொன்னா.. அட என்னம்மா நீ.. வளர்ற பொண்ணு.. இது நம்ம வீடு மாதிரி கூச்சப் படாம சாப்டுனு சொன்னேன்... என்னாடா இவனுங்க இந்த தீனி திங்கறானுங்களேன்னு செம கடுப்புல இருந்தாளோ என்னவோ.." ஹலோ.. இது என் டயலாக்.. இதெல்லாம் நீங்க சொல்லப் படாது.."னு சொல்லிட்டா...( ஓசில சாப்ட்டமா .. போனமானு இல்லாம என்னடா வெட்டி பேச்சினு நெனைச்சாலோ என்னவோ.. :P )

இந்த கலாட்டா எல்லாம் முடிஞ்சதும் உண்ட மயக்கத்துல கொஞ்ச நேரம் உருண்டு பொரண்டுட்டு இருந்தோம்... அப்புறம் கொஞ்ச நேரத்துல காஃபி குடுத்தாங்க... என்னடா இவனுங்க என்னத்த குடுத்தாலும் வேணாம்னு சொல்லாம இந்த வாங்கு வாங்குறானுங்களேனு நெனைச்சாரோ என்னவோ .. அபிஅப்பா எங்கள எல்லாம் இல்லாத காவிரி கரையை காட்டறதா சொல்லி வெளிய கூட்ட்டிட்டு போனார்... அதுவும் 12 மணிக்கு... வெயில் சுட்டெரிக்கிது.. மனசாட்சியே இல்லாம இழுத்துட்டு போனார்.. பின்ன... மனசாட்சியே இல்லாம அந்த காட்டு காட்டினோம்ல.. அந்த கடுப்பு அவருக்கு.... பாதி வழியில போனதும் அதோ பாருங்க அதான் காவிரி கரைனு காட்டினார்.. ஆனா அப்டி எதுவுமே எங்களுக்கு தெரியலை.. ஆனா அடிக்கிற வெயிலுக்கு பயந்து அதை பத்தி எதுவுமே சொல்லாமா.. ஓ .. அது தானா.. அப்டினு மட்டும் சிம்பிளா முடிச்சிகிட்டு திரும்பிட்டோம்.. எங்க கஷ்டம் எங்களுக்கு... மத்தியான சாப்பாடு வேற வீட்ல அபிஅம்மா ரெடி பண்ணிட்டு இருந்தாங்க....

வழியில ஒரு கடைல எலந்த வடை, கடலை மிட்டாய், இஞ்சி சோடா, மோர் எல்லாம் வாங்கி குடுத்தார்னு கெளரவமா சொல்ல ஆசை பட்டாலும்... நாங்களா தான் கடைல தொங்க விட்டிருந்ததை புடுங்கி தின்னுட்டு அபிஅப்பா காசு தருவார்னு அவர் பக்கம் கையை காட்டிட்டு வந்த உண்மையை சொல்லாமல் இருக்க முடியலை..அப்டியே ஒரு கோழிக்கறி கடைல கறி வாங்கிட்டு வீட்டுக்கு போய் கொஞ்ச நேரம் நல்லா ரெஸ்ட் எடுத்தோம்.. பின்ன.. அடுத்த ஆட்டத்தை ஆடனும்ல... அப்புறம் அபிஅம்மா பொக்குனு போய்டுவாங்கல்ல...எங்களை நம்பி தான ஒரு கல்யாண வீட்ல சமைக்கிற மாதிரி சமைச்சிட்டு இருந்தாங்க....

மதிய உணவும் சாதரனமா இல்லை.. சிங்கங்கள் எல்லம் செம ஃபார்ம்ல இருந்தோம்.. நானும் சிவாவும் சைவம்.. இம்சை அண்ட் இளையகவி அசைவம்... கோழிகறி கொழம்பு.. சாம்பார் , ரசம் , மோர், அப்பளம் என செம கட்டு கட்டினோம்....ம்ம்ம்.. அபிஅம்மா இதுகெல்லாம் கொஞ்சம் கூட அசரவே இல்லையே.. வடிச்சி கொட்டிட்டே இருந்தாங்க.. நாங்களும் சளைக்காம உள்ள தள்ளிட்டே இருந்தோம்.... நல்ல வேளை.. கவிதாயினி முதல் நாள் எங்களோட கூட்டணி சேரலை.. இல்லைனா அபிஅம்மா நெலமை ரொம்ப பரிதாபமா ஆயிருக்கும்...:)

அடுத்து ... மாலை 6 மணி போல குசும்பன் கல்யாணத்துக்கு கெலம்பர வைபோகம்... நாங்க எல்லாம் தெளிவா எல்லாத்தயும் எடுத்து கார்ல வச்சிட்டோம். அபிஅம்மா தான் ரொம்ப பாவம்.. எங்களுக்கு சமைச்சி போட்டே ரொம்ப டயர்ட் ஆய்ட்டாங்க போல... வந்து கார்ல உக்காந்ததும்.. அச்சச்சோ அதை மறந்துட்டனே என்று எதாவது எடுக்க திரும்ப வீட்டுக்கு போவாங்க.. அதுக்கப்புறம் கார்ல உக்காந்ததும் திரும்ப எதுனா மறந்து வச்சதை எடுத்துட்டு வர போவாங்க... இப்டியே கொஞ்ச நேரம் போய்ட்டிருந்தது... கடைசியா நட்டு துணி இருந்த பை மறந்துட்டாங்க... அபிஅப்பா தானே எடுத்துட்டு வரேன்னு போனார்.. அபிஅம்மா தெளிவா சொன்னாங்க .. பச்ச கலர் பைன்னு.. நம்ம தலைவர் எதோ ஒரு மஞ்ச கலர் பையை எடுத்துட்டு வீட்டயும் பூட்டிட்டு இருந்தார்.. இவர நம்பினா வேலைக்கு ஆகாதுனு அபிஅம்மாவே போய் அந்த பை எடுத்துட்டு வந்தாங்க.. ஓருவழியா கார் கெளம்பிடிச்சி.. பாதி தூரம் போனதும் தான் தெரிஞ்சது.. அபி அடுத்த நாள் போட வேண்டிய துணிகளும் அபி அப்பா சலவை செய்து வைத்த அவரோட துணிகளும் மறந்துட்டு வந்தது... :)).. அப்புறம் என்ன பண்றது.. அவ்ளோ தூரம் போய்ட்டு திரும்பியா வர முடியும்... அடுத்த நாள் அபிஅப்பா வேஷ்டி சட்டையில் வந்து எபப்டியோ சமாளிச்சார்...

திரும்ப அடுத்த நாள் குசும்பன் கல்யாணம் முடிஞ்சி.. மதியம் அபி வீட்டுக்கு வந்து சேர்ந்தோம்... கொஞ்சம் ஓய்வு.. ரயிலுக்கு நேரம் ஆகிவிட்டதால் அபி அம்மாவின் நல்ல நேரமோ என்னவோ எங்களால் அங்கு அதிக நேரம் இருக்க முடியவில்லை... மதியம் குசும்பன் கல்யாணத்திலேயே சாப்பிட்டு விட்டு தான் வந்தோம்... ஆனாலும் வந்த வேகத்தில் அபிஅம்மா இட்லியும் கொஸ்துவும் செஞ்சிட்டாங்க.... ரயிலில் இரவு சாப்பிடுவதற்கு தேவையான அளவு 4 பொட்டலங்களாக கட்டி வச்சாங்க... அது பத்தாதுன்னு அப்போவே சாப்ட சொல்லி எல்லார்க்கும் தட்ல வச்சி குடுத்தாங்க.. எல்லாரும் சொல்லி வச்ச மாதிரியே... " அய்யய்யோ வேணாம்க்கா.. இப்போ தான சாப்ட்டு வந்தோம்.. அதுக்குள்ள எப்டி சாப்டறது.. அதுவும் இல்லாம இப்போ சாப்ட்டா ரயிலில் சாப்ட முடியாது எல்லாம் வீண் ஆய்டும்"னு அளந்து விட்டுட்டு இருந்தோம்... அதான் 2 நாளா எங்க யோக்கியதையை தான் பாத்தாங்களே.. அதனால தட்ல போட்டு வச்சிட்ட்டாங்க.. அடுத்த 2 நிமிஷத்துல எல்லாம் காலி... கடைசில காயத்ரிக்கு வச்சிருந்த இட்லியையும் சிவாவும் இளையகவியும் அபேஸ் பண்ணிட்டு கவிதாயினிக்கு வெறும் கொஸ்து மட்டும் மிச்சம் வச்சிருந்தாங்க... அதை பார்த்து கவிதாயினி பாவமாக முழித்ததை காண கண் கோடி வேண்டும்.... பொட்டலம் கட்டிய இட்லியும் கொஸ்துவும் என் பைல மறக்காம் எடுத்து வச்சிகிட்டோம்...:)))

இதெல்லாம் முடிந்து ரயில் நிலையம் சென்று கவிதாயினி, இளையகவி , இம்சை 3 பேருக்கும் டிக்கெட் வாங்கி முடிச்சதும் அபி கிட்ட இருந்து போன்.. இம்சை லேப்டாப் சார்ஜர் விட்டுட்டு வந்துட்டார்.. பின்ன கவனமெல்லாம் சாப்பாட்டுலையே இருந்தா இப்டி தான் ஆகும்.. :P... அதை கூரியரில் அனுப்ப சொல்லிட்டோம்..

ரயிலில் போகும் போது திருச்சியை தாண்டியும் யாரும் சாப்பிடவே இல்லை.. எனக்கே பயங்கற ஆச்சர்யம்.. நானும் பல முறை எல்லார்கிட்டயும் சொல்லி பார்த்தேன்.. சாப்பிடுங்க.. சாப்பிடுங்க என்று.. எல்லாரும் செம பந்தா பண்ணாங்க.. வேணாம் .. பசிக்கலை.. சாப்பிட முடியாது.. என்று .. வழக்கம் போல இளையகவி கொஞ்சம் ஜாஸ்தியாவே சீன் போட்டார்.. வேண்டாம் என்று... நானும் பொறுத்து பொறுத்து பார்த்தேன்.. இவங்களுக்கெல்லாம் அபிஅம்மா வைத்தியம் தான் சரி என்று நினைத்து இட்லியை எடுத்து எல்லார் கைலையும் குடுத்துட்டேன்.. இருந்தது 4 பொட்டலம்.. நாங்களோ 5 பேர்...என்னை தவிர மற்ற 4 பேருக்கும் குடுத்துட்டேன்..எனக்கௌ மட்டும் இல்லாம போய்டிச்சி.. என்னை பார்த்து ஒருத்தருமே பரிதாபப் படலை.. பாவிகள்.. எல்லாரும் வெளுத்துக் கட்ட ஆரம்பிச்சிட்டாங்க.. நானும் எவ்ளோ நேரம் தான் அவங்க வாயையே பாத்துட்டு இருக்கிறது... என் பக்கத்தில் அப்பாவியாய் கவிதாயினி தான் உக்காந்துட்டு இருந்தாங்க.. என்ன பார்த்தா பாவமா தெரிஞ்சதோ என்னவோ.. போனா போகுதுனு அவங்க இலையிலையே ஒரு ஓரத்துல கொஞ்சம் இடம் குடுத்து அவங்களுக்கு குடுத்த இட்லியை என்னையும் சாப்பிட சொன்னாங்க.... நீ நல்லா இருக்கனும் தாயினு சாப்பிட்டேன்... அவங்க 3 பேருக்கும் பத்தலைனு அவங்க நெளிஞ்சத பார்த்தாலே புரிஞ்சது... நாங்க சாப்டு மிச்சம் வச்ச ஒரெ ஒரு இட்லியையும் மங்களூர் சிவா விட்டு வைக்கல.... அடபாவிகளா .. இதுக்காய்யா இம்புட்டு நேரமா வேண்டவே வேண்டாம் இந்த வயிற்றில் இடமில்லைனு த்ரீ ரோஸஸ் விளம்பரம் மாதிரி பாடிட்டு இருந்தீங்க..:(....

................

அன்று மாலை நாங்கள் வந்தவுடன்.. அபிஅப்பாவிற்கு செம அடி விழுந்திருக்கும் என்பது மட்டும் நிச்சயம்.. யோவ் உனக்கு ஆக்கி போடறதே பெரிசு.. இதுல உன் கூட்டளிங்கள வேற கூட்டியாந்த்து ஊட்ல விட்டுட்டியா.. மனுஷங்களாய்யா அவங்க.... நானும் எவ்வளவு தான் ஆக்கிப் போட்டுட்டே இருக்கிறது.... அவனுங்களும் கொஞ்சம் கூட மனசாட்சியே இல்லாம அப்டி திங்கறானுங்கய்யா... உனக்கே அளவோட தான் சோறு போடறேன்.. ஆனா அவனுங்க 6 மாச மளிகை சரக்குகளை ரெண்டே நாள்ல காலி பண்ணிட்டானுங்க.... இனி கூட்டிட்டு வருவியா.. கூட்டிட்டு வருவியானு செமத்தியா அடி பின்னி எடுத்திருப்பாங்க...:)))
------------------
ஹிஹி... இது சும்மா டமாசுக்கு..

நிஜமாவே கொஞ்சம் கூட சுமையா நினைக்காம சிரிச்ச முகத்தோடையே கூட பிறந்த தம்பிகளை கவனிக்கிற மாதிரி அபிஅம்மா அவ்ளோ அன்பா கவனிச்சாங்க... நன்றினு சொல்லி அவங்களை பிரிச்சி பாக்க கூட மனசு வரலை....அவங்க எவ்ளோ பாசமா எங்களை கவ்வனிச்சி இருந்தா நாங்க எங்க வீடுங்கிற உணர்வுல அந்த காட்டு காட்டி இருப்போம்னு நெனைச்சி பாருங்க.... உண்மையில் அபிஅப்பா ரொம்ப குடுத்து வச்சவர்...

கொசுறு : அபிஅம்மா ஒரு சிவில் இஞ்சினியர்... இப்போது அவர்கள் இருக்கும் வீட்டை அழகாக திட்டமிட்டு கட்டியது அபிஅம்மா தான்.

.. நேரம் ஒத்துழைத்தால் கோவை டூ மயிலை டூ திருவாரூர் டூ மயிலை டூ கோவை பயணம் பத்தி பதிவு போடறேன்.. உண்மையில் அவ்வளவு அழகான பயணம் இது... புது மாப்பிள்ளை குசும்பனுக்கு நன்றிகள் பல...

English குசும்பன்!

நச்சுன்னு 1000 கள்ள வோட்டு, வாங்க வாங்க... குட்டீஸ் டீல்,

நம்ம சர்வேசன் மாமா நச்சுன்னு ஒரு கதை போட்டி வெச்சிருக்காரு.ஏதோ ஐந்து ஆறு கதைதான் போட்டிக்கு வரும்ன்னு நெனச்ச சர்வேசன் மாமா 57 கதை வந்ததுல அரண்டு போயிட்டாரு. முதல் பரிசுக்குண்டான கதையை தேர்ந்தெடுக்க ஜனநாயக முறைப்படி தேர்தல் அறிவித்திருக்கிறார்.

இங்குதான் குட்டீஸ் நமக்கு முக்கியத்துவம் வருகிறது.இந்த தேர்தலில் குட்டீஸ் நம்ம வாக்கும் கணக்கில் எடுத்துக்கொள்ளப்படும்.நாமளே குட்டீஸ் நமக்கு கதைல்லாம் புரியவா போவுது அதுனால நம்ம வோட்டுக்களை வைத்து நாம் நினைக்கும் விஷயங்களை சாதித்துக்கொள்வோம்.

நம் பலம் பாருங்க. நம்மகிட்டயே மொத்தம் 11 வோட்டு இருக்கு.இது இல்லாம நாம புடிக்கும் அடத்துல நம்ம அப்பா அம்மா வோட்டும் நாம சொல்றவங்களுக்கே போட வைச்சுட்டாப்போச்சு அதுல ஒரு 20 தேறும். அப்புறம் நம்ம இம்சை மாமா ஸ்டூடண்ட்ஸ்க்கு இம்சை மாமா மேல ரொம்ப மரியாதையாமா. இம்சை மாமாக்கு நம்ம சங்கத்து சிங்கம் பவன் மேல பயம் கலந்த மரியாதையாமா. சோ நம்ம சிங்கம் பவன் சொன்னா இம்சை மாமா ஸ்டூடண்ட்ஸ் 600 பேருக்கும் அவங்க மெயில் ஐடி ய வெச்சு வோட்டு போட தயாரா இருக்காங்க.(அவங்களுக்குள்ளாம் தமிழே தெரியாதாம் அதனாலென்ன? ) நந்து மாமா கதை எழுதுன மேட்டர் தெரிஞ்சு அவரு ப்ரண்ட்ஸ் சொந்தம் பந்தம்லாம் வோட்டுப்போட ரெடியா இருக்காங்க

அப்படி இப்படின்னு ஒரு 1000 வோட்டு ரெடியா இருக்கு. பிசாத்து 45அல்லது50 வோட்டுக்கள்தான் மொத்தத்துக்கே விழுதாம். குட்டீஸ் நாங்க கைய காட்டுனா 1000 வோட்டும் ஒருத்தருக்கே.

வோட்டு தேவைபடரவங்க எங்க டீல் என்னன்னு தெரிய எங்க குட்டீஸ்கார்னர் மெயில் ஐடிக்கு தனியா வந்து பேசவும். பொதுவில் பேசினால் தலைமை தேர்தல் சர்வேஷனர் தேர்தலை நிறுத்தும் அபாயம் இருக்கிறது.

இது ஒரு அரிய வாய்ப்பு குட்டீஸை அணுகி பயனடைவீர்

மங்களூர்ல ரயில் எப்படி நிறுத்துவாங்க?. எப்படி ரிவர்ஸ் எடுப்பாங்க?

குசும்பன் அங்கிள் ஈரோட்ல பஸ் நிறுத்துவாங்க என்றும் எங்க சங்கத்து சிங்கம் வீக் எண்ட் ஊர் சுத்தி பையன் பவன் ஈரோட்ல எபப்டி ரயில் நிறுத்துவாங்க என்றும் விளக்கி ஒரு பதிவு போட்டிருந்தாங்க.

இப்போ நம்ம சிவா மாமா போற ரயில் எப்படி மங்களூர்ல நிறுத்தறாங்க, அவர இறக்கி விட்டு எப்படி ரிவர்ஸ் எடுக்கிறாங்கனு இங்க நீங்க பாக்க போறிங்க..

1. எப்படி நிறுத்தறாங்கனு இங்க பார்க்கலாம்.

2.எப்படி ரிவர்ஸ் எடுக்கிறாங்கனு இங்க பார்க்கலாம்.

பபாசங்கம் போட்டி - நடந்தது என்ன?

சென்ற மாதம் பபாசங்கத்து தங்கங்கள்( நன்றி : G3 ஆண்ட்டி ) ஒரு போட்டியை அறிவித்து இருந்தார்கள். ஆனால் பாவம் யாருமே அந்த போட்டியில் கலந்துக் கொள்ள முனனும் வரவில்லை... பின்னும் வரவில்லை. யாராவது ஒருவராவது கலந்து கொள்வாரா என எதிர் பார்த்துக் காத்துக் கொண்டிருந்த சங்கத்து தங்கங்கள் ஆள் வைத்து( அடியேன் உட்பட) அந்த போட்டி அறிவிப்பு பதிவுக்கு பின்னூட்டம் போட்டு 27ம் தேதி வரை இழு இழு என்று இழுத்து அந்த பதிவு தமிழ்மணத்தில் தெரிந்துக் கொண்டே இருக்கும் படி பார்த்துக் கொண்டார்கள். அப்படியும் யாரும் போட்டியில் கலந்துக் கொள்ளவில்லை.

பொதுவாக ஒரு போட்டியை அறிவிக்கும் நிறுவனம் மற்றும் அதை சார்ந்தவர்கள் அந்த போட்டியில் கலந்துக் கொள்ளக் கூடாது என்ற விதியையும் மீறி, வேறு வழியே இல்லாமல் சங்கத்து உருப்பினரே ஒரு பதிவை (என்ன கொடுமை சார் இது??) போட வேண்டிய நிலைக்கு வர வேண்டியதாகிவிட்டது. அதற்கடுத்தும் யாரும் போட்டியில் கலந்துக் கொள்ளவில்லை. இதை கண்டு வெறுத்து போன மை ஃப்ரண்ட் அத்தை "சாவடிக்கிறாங்களே என்னைய!!!!!" என்று புலம்பி " போட்டி முடிய இன்னும் நாளே நாள்.. இன்னும் தாமதம் ஆகுல.. வாங்க.. " என்று கெஞ்சும் நிலைக்கு தள்ளப் பட்டது அனைவரும் அறிந்ததே. அப்படியும் யாரும் வரவில்லை.

இப்படி ஒரு அவலநிலைக்கு ஆளாகி விட்டதை எண்னி மனம் நொந்து போன பபாச தங்கங்கள் என்ன கொடுமை சார் இது என்று தலையிலடித்துக் கொண்டு யோசித்து பின் ஏகமனதாக ஒரு முடிவுக்கு வந்தார்கள். அதாவது சங்கத்து செயர்குழுவை கூட்டுவதென்று. இந்த கொடுமையான விஷயம் வெளி உலகத்திற்கு தெரியும் முன் எதாவது செய்தாக வேண்டும் என்று விவாதித்ததில் இறுதியாக ஒரு முடிவுக்கு வந்தார்கள்.

"என்ன கொடுமை சார் இது?" என்று யாரவது தங்கள் பதிவில் தப்பி தவறி சொல்லி இருந்தால் அந்த பதிவை தாங்களே முன்சென்று அதை போட்டிக்கு எடுத்துக் கொண்டு அந்த பதிவரையே வெற்றியாளராக அறிவித்து விடலாம் என்ற முடிவுக்கு வந்தார்கள். எப்படியும் வெற்றியாளர் என்று அறிவிப்பதாக சொன்னால் அந்த பதிவரும் தான் அந்த போட்டியில் கலந்து கொண்டதாக வெளியே பீற்றிக் கொள்வார் என்ற நம்பிக்கையில் அவர்கள் இந்த அரிய முடிவுக்கு வந்தார்கள்.

பிறகு வலை வீசித் தேடியதில் கண்ணில் பட்டது தான் நம்ம குசும்பன் அங்கிளின் "பெண்களை குட்டினால் என்ன ஆகும்? அது தப்பா?"பதிவு. இந்த பதிவுக்கும் போட்டிக்கும் என்ன சம்பந்தம் என்று யாரும் மண்டையை உடைத்துக் கொள்ள வேண்டாம். இந்த பதிவின் கடைசியில் எதேச்சையாக " என்ன கொடுமை சார் இது" என்ற டயலாகை சொல்லி இருப்பார். வேறு வழியே இல்லாமல் தவித்துக் கொண்டிருந்த சங்க தங்கங்களுக்கு இது சொக்கத் தங்கமாய் தெரிய உடனே குசும்பன் அங்கிளை தொடர்பு கொண்டார்கள்.

இது தான் சந்தர்ப்பம் என நினைத்த குசும்பன, இந்த உள்குத்திற்கு சம்மதிக்க வேண்டுமெனில் சில நிபந்தனைகளை நீங்கள் ஏற்றுக் கொள்ள வேண்டுமென ஏகப் பட்ட நிபந்தனைகளை விதித்தார். பேச்சு வார்த்தை விரைவில் முடிந்து ஒரு சுபமான முடிவு கிடைக்கும் என்ற நம்பிக்கையில் "போட்டிக்கு வந்த படைப்புகளில் பரிசு பெற்றவங்கள தேர்ந்‍தெடுத்து இன்னும் ரெண்டு நாள்ள அறிவிப்பு வெளியிடறோம்." என்று அவசரமாக டிசம்பர் 1 அன்று நன்றி சொல்லி அறிவிப்பெல்லாம் கொடுத்து அமர்க்களப் படுத்தினார்கள்.ஆனால் பேச்சுவார்த்டை நீண்டு கொண்டே போனதில் டிசம்பர் 6ம் தேதி தான் உடன்பாடு கையெழுத்தானது. இறுதி செய்யப்பட்ட நிபந்தனைகள் வருமாறு :-

1. பரிசு வழங்குவதற்கு பிரமாண்டமான விழா ஏற்பாடு செய்ய வேண்டும்.
2. தன் தலைவி ஸ்ரேயா கோசல் கைய்யால் விருது வழங்க ஏற்பாடு செய்ய வேண்டும்.

3. கலக்கப் போவது யாரு நிகழ்ச்சியில் வரும் கலக்கல் மன்னர்கள் மாதிரி கோட் அணிய வேண்டும் என்ற தன் நீண்ட நாள் ஆசையை நிறைவேற்ற வேண்டும்.


இதில் முதல் நிபந்தனை பற்றி கவலை இல்லை. இருகவே இருக்கு Youtube. 3வது நிபந்தனை பற்றியும் கவலை இல்லை. குசும்பனே போட்டோஷாப்பில் கோட் மாட்டிக்கொள்வார். 2வது நிபந்தனை பற்றி தான் சங்க தங்கங்களுக்கு பெரும் கலக்கம். இங்கும் குசும்பனே கை கொடுத்துவிடார். இதை அமுக்கி இதில் 2வது படத்தையும் , இதை அமுக்கி இதில் ஸ்ரேயா போட்டியாளரை அறிவிப்பதாக பாவ்லா காட்டும் படத்தையும் பாருங்க.

ஸோ குசும்பன் புண்ணியத்தில் சங்கத்து சிங்கங்கள் ஆறு நாள் பேச்சுவார்த்தைக்கு பிறகு நிம்மதி பெருமூச்சி விட்டுக் கொண்டார்கள்.

திமுக முதல்வர்கள் பட்டியல் - வெளிவராத தகவல்கள்

இந்த வார குமுதம் ரிப்போர்ட்டர் இதழின் முக்கியச் செய்தி : அன்பழகன் இணை முதல்வர், ஸ்டாலின் துணை முதல்வர்.

இன்னும் வெளிவராத தகவல்களை உங்களுக்கு அளிப்பதில் பெருமை அடைகிறேன். :)

கருணாநிதி - முதல்வர்
அன்பழகன் - இணை முதல்வர்
ஸ்டாலின் - துணை முதல்வர்(வடக்கு)
அழகிரி - துணை முதல்வர் ( தெற்கு)
கனிமொழி - கூடுதல் முதல்வர்(வடக்கு பிராந்திய அரசியல் அணி)
பொண்முடி - கூடுதல் முதல்வர் ( தலைமை செயலக நிர்வாகம்)
கோ.சி.மணி - கூடுதல் முதல்வர் ( திமுக உறுப்பினர் தேர்வானையம் )
வீரபாண்டி ஆறுமுகம் -கூடுதல் முதல்வர்( எதிர்க் கட்சியினர் அறிக்கை தடுப்பு பிரிவு )
துரை முருகன் - கூடுதல் முதல்வர் ( சட்டம் ஒழுங்கு)
ஆற்காடு வீராச்சாமி - கூடுதல் முதல்வர் ( குற்ற புலனாய்வு பிரிவு)
ஐ. பெரியசாமி - கூடுதல் முதல்வர் ( பொருளாதாரக் குற்ற தடுப்புப் பிரிவு)
வேலு - கூடுதல் முதல்வர் (பொது விநியோக குற்ற தடுப்பு பிரிவு)
கே.என். நேரு - கூடுதல் முதல்வர் ( சிறப்பு அதிரடிப் படை)
பூங்கோதை - கூடுதல் முதல்வர் ( மகளிர் ஆணையம்)
தங்கம் தென்னரசு - கூடுதல் முதல்வர் ( தொண்டர் அணி பயிற்சி)
எம்.ஆர்.கே. பன்னீர்செல்வம் - கூடுதல் முதல்வர் ( லஞ்ச ஒழிப்புத் துறை)
கீதா ஜீவன் - கூடுதல் முதல்வர் ( தொண்டரணி குடியிருப்பு வாரியம்)
பொங்கலூர் பழனிச்சாமி - கூடுதல் முதல்வர் ( தீயணைப்பு துறை)
பெரிய கருப்பன் - கூடுதல் முதல்வர் ( சிறைத் துறை)

இன்னும் ஏராளமான துணை முதல்வர்கள் மற்றும் உதவி முதல்வர்கள் பட்டியல் திமுக இளைஞர் அணி மாநாட்டில் வெளியிடப் படும். :)

எதிர் தேன் கிண்ணம்

தேன் கிண்ணத்தில் நேயர் விருப்பம் சரியாக கண்டுக் கொள்ளப்படுவதில்லை என்பதை கண்டிக்கும் அதே நேரத்தில் ஒரு எதிர் தேன்கிண்ணம் அரங்கேற்றவும் தேன்கிண்ணம் அதிருப்தி ரசிகர் படை முடிவு செய்துவிட்டது. :-)

எதிர் பதிவு, எதிர் கவிஜ மாதிரி இது எதிர் தேன்கிண்ணம். :-))

ஓகே.. ஸ்டார்ட் மீஜிக்.. :-))

Get this widget | Track details | eSnips Social DNA

வசீகரா என் நெஞ்சினிக்க உன் பொன் மடியில் தூங்கினால் போதும்
அதே கணம் என் கண்ணுறங்க முன் ஜென்மங்களின் ஏக்கங்கள் தீரும்

வசீகரா என் நெஞ்சினிக்க உன் பொன் மடியில் தூங்கினால் போதும்
அதே கணம் என் கண்ணுறங்க முன் ஜென்மங்களின் ஏக்கங்கள் தீரும்

நான் நேசிப்பதும் சுவாசிப்பதும் உன் தயவால் தானே
ஏங்குகிறேன் ஏங்குகிறேன் உன் நினைவால் நானே

அடை மழை வரும் அதில் நனைவோமே
குளிர் காய்ச்சலோடு ஸ்னேகம் ஒரு போர்வைக்குள் இரு தூக்கம்
குளு குளு பொய்கள் சொல்லி எனை வெல்வாய்
அது தெரிந்தும் கூட அன்பே மனம் அதையேதான் எதிர்பார்க்கும்
எங்கேயும் போகாமல் தினம் வீட்டிலேயே நீ வேண்டும்
சில சமயம் விளையாட்டாய் உன் ஆடைக்குள் நான் வேண்டும்

(வசீகரா)

நன்றி : Pallasathena

அகில உலக ரஸ்னா பொண்ணை ரசிப்போர் சங்கம் - இன்று முதல் உதயம்

ஸ்ரேயா கோஸ்வாமி நற்பணி மன்றத்தில் சேர விரும்பிய எங்க சங்கத்து சிங்கத்தை சேர்க்க மாட்டேன் என்று கூறி ஆவமானப் படுத்தியதோடு நிற்காமல் எங்க சங்கத்தயும் அசிங்கப் படுத்தி மிகவும் தரக் குறைவான வார்த்தைகளால் தாக்கி எங்களை சினம்கொண்டு எழச் செய்துவிட்டார் குசும்பன் மாமா.
ஆதாரம் :
"குசும்பன் said...

Baby Pavan said...
நாங்க அலவ்டா அங்கிள்....////

உங்களுக்கு எல்லாம் அனுமதி இல்லை, சின்ன புள்ளைங்கள கெடுக்கிறேன் என்று கெட்ட பேர் எனக்கு வந்துவிடும், இப்ப யார் குழந்தை நட்சத்திரம் என்று தெரியவில்லை, இருந்தா அவுங்களுக்கு சங்கம் ஆரம்பிச்சிடுங்க:))) "

இதனால் பொங்கி எழுந்த நாங்கள் , குசும்பன் அங்கிளுக்கு போட்டியாக இன்று முதல் அகில உலக ரஸ்னா பொண்ணை ரசிப்போர் சங்கத்தை ஆரம்பிக்கிறோம். ஒரு காலத்துல TV யில I Love You Rasna சொன்ன அந்த குட்டிப் பொண்ணு இப்போ பெரிவளாகி காலேஜ் போராளாம். அதனால் அவள் பெயரில் ஒரு சங்கம் ஆரம்பிப்பதாக நினைத்த போது தானே விரும்பி தலைமைப் பொறுப்பை ஏற்பதாக சொன்ன தன்னார்வலர் கட்டை பிரம்மச்சாரி மங்களூர் சிவா மாமாவை தலைவராகவும், வயாதானாலும் அழகும் ஸ்டைலும் இன்னும் குறையாத(நன்றி : நீலாம்பரி) வலையுலகத் தல சிபி மாமாவை ஆயுட்கால ஆலோசகராகவும் கொண்டு இன்று முதல் சங்கம் செயல்பட ஆரம்பிக்கிறது என்பதை பெருமையுடன் தெரிவித்துக் கொள்கிறேன்.
மேலும் கத்தார் கிளையை தனக்கு கொடுக்காததால் ஆத்திரமடைந்து கோஸ்வா மன்றத்திலிருந்து வெளியேறிய ரசிகன் மாமாவிற்கு அகில வளைகுடாவின் பொறுப்பு வழங்கப் படுகிறது. எங்கு ரசிகர்.. ஸாரி... நற்பணி மன்றம் ஆரம்பித்தாலும் முதல் ஆளாக சேரும் ஆயில்யன் அங்கிள் கத்தார் 144வது வார்டு பொறுப்பாளர் பதவி கொடுத்தால் கூட போதும் என்றுக் கேட்டு இணைந்திருக்கிறார். இப்படியாக கோஸ்வா மன்றத்திலிருந்து அனைவரும் ரஸ்னா பொண்ணை ரசிப்போர் சங்கத்தில் இணைந்து விட்டதால், யாருமே இல்லாத டீ கடைல யாருக்குத் தான் டீ ஆத்துவது என்று புலம்பிக் கொண்டிருந்த குசும்பன் அங்கிள் ரஸ்னா பொண்ணு சங்கத்தின் ஒருன்கிணைப்பாளர் பதவி குடுத்தால் எங்க சங்கத்து இளஞ்சிங்கம் பவனிடம் நிபந்த்தனையற்ற?!! மன்னிப்புக் கேட்கத் தயார் என்று கடிதம் அனுப்பி உள்ளார். பரிசீலிக்கப் படும்.

சங்கத்தில் காலியாக உள்ள பதவி இடங்களுக்கு விண்ணப்பங்கள் வரவேற்கப் படுகிறது. விருப்பமான பதிவிகளை நீங்களே பரிந்துரைக்கலாம்.

இலவசக் கொத்த்னார் கேள்விகளுக்கு பதில்கள்.

நண்பர்களே இலவசக் கொத்தனார் தன் இலவசம் வலைப்பூவில் குயிஜ( அப்டித்தான் அவா சொல்றா ) போட்டி நடத்துறார். அதில் நானும் பங்கு பெற்று சில பதில்களை சொன்னேன். அந்த கேள்விகளுக்கு பதில் தேடியதில் பல அரிய விஷயங்கள தெரிஞ்சிகிட்டேன். அதுக்கு கொத்தனாருக்கு ரொம்ப நன்றி. நான் சொன்ன பதிலில் ஒன்றை மட்டும் தவறு என்று சொல்லிவிட்டார் (இப்படி ஏமத்திட்டயே கூகுள்... கிர்ர்ர்ர்ர்ர்ர்ர்ர் ) இன்னும் இரண்டு பதில்களை Pending வச்சிருக்கார். அவர் நெனைக்கிற பதில சொல்லனுமாம். (எனக்கு ஜோசியம் தெரியாதுனு யார்னா சொல்லுங்க அவர்கிட்ட ப்ளீஸ்). எது எபப்டியோ உண்மையில் அது மனம் விட்டு பாராட்டக் கூடிய செயல். எனக்கு நேத்து தான் இந்த குயிஜ பத்தி தெரிய வந்தது. அதனால இந்த வாட்டி பெரிசா கண்டுக்கல..( மண் ஒட்ட விட மாட்டோம்ல ... இதுல கொஞ்சம் பேரு எல்லாத்துக்கும் சரியான பதில வேற சொல்லிட்டாங்க.. எப்டித்தான் முடியுதோ.. அவ்வ்வ்வ்வ் :( ).

சரி இப்போ தலைப்புக்கு வரேன்.. அதாவது யார்க்காச்சும் கொத்தனார் கேள்விகளுக்கு பதில் தெரிஞ்சதுனா அங்கன போய் சொல்லுங்கண்ணேன். உங்க அறிவ பத்தி அல்லாரும் தெரிஞ்சிக்கட்டும். என்னத்த பெரிய அறிவு.. எல்லாரும் முன்னாடியே பதில தெரிஞ்சிகிட்டா சொல்றாய்ங்க.. எல்லாம் கூகுள் , விக்கிபீடியா புண்ணியதுல தான சொல்றாங்கனு யாரும் சலிச்சிக்காதிங்க. அதுல சரியா தேடரதுக்கும் நமக்கு கொஞ்சமாச்சும் அறிவு வேணுமாக்கும். ஆகவே பெரிசுகளே பொடிசுகளே அங்கிட்டு போய் பதில சொல்லுங்க. அப்போ தான் இது மாதிரி நல்ல சமாச்சாரங்களும் தமிழ் வலைப்பதிவு உலகத்துல அப்பப்போ கெடைக்கும்.

( ஹிஹி.. அந்த கேள்விங்களுக்கு இங்க பதில் இருக்கும்னு நெனச்சி வந்திங்களாக்கும்.. அஸ்கு.. புஸ்க்கு..அப்பள வட... அந்த கேள்விங்கள தயார் பண்ண அவர் எவ்ளோ கஷ்டப் பட்டிருப்பார்?)

மேலும் என் வலைப்பூ தமிழ்மணத்தில் இன்று ( கொஞ்ச நேரத்துக்கு முன்னால ) சேர்த்துக் கொள்ளப் பட்டிருப்பதால் அதில் தெரியுமாறு ஒரு பதிவை போடுவது என்று நினைத்ததாலும் தமிழ்மணத்தில் தெரியப் போகும் முதல் பதிவிற்கு பெருமளவில் ஆட்களைத் திரட்ட வேண்டும் என்ற அரிய நோக்கத்திற்காகவும் தான் இந்த பதிவிற்கான தலைப்பு வைக்கப் பட்டதெயன்றி வேறெந்த உள் ( குத்தும்) நோக்கமும் இல்லை என்பதை உங்கள் முன்னிலையில் தெரிவித்துக் "கொல்ல" கடமைப்ப் பட்டுள்ளேன்.

நன்றி..வணக்கம்.. மீண்டும் வருக..
(பிகு: இந்த ஒடம்பு எவ்வளவு அடி தாங்கும் என்பதை தெரிந்துக் கொண்டு அடிக்கவும்.. அப்புறம் கொலக் கேசு ஆய்டும்..ஆமா.. :P )

நான் இவன் இல்லை..

( த்ச்சும்மா.. டமாசுக்கு.. ஹிஹி..)

ஆட்களை திரட்ட பிரியாணி பொட்டலம் வேண்டாம்.

முகு: இது கதையல்ல...நிஜம்.. தைரியமாக முயன்று பார்க்கலாம்.

உங்கள் வலைப்பூவிற்க்கு ஆட்கள் வரத்து குறைந்துவிட்டதா? இல்லை யாரும் வருவதே இல்லயா? கவலை வேண்டாம். அற்புதமான லேகியங்கள் கைவசம் இருக்கு. இதற்கு உங்களுக்கு தலைப்புக்கு மட்டும் கொஞ்சூண்டு கற்பனா( கல்பனா இல்ல) சக்தி இருந்தால் போதும். உள்ளடக்கத்தை பற்றி கொஞ்சமும் கவலை பட வேண்டாம்.. தத்துப்பித்தென்று எதை வேண்டுமானாலும் உளறி வைக்கலாம். உளருவதற்கு உங்களுக்கு ஒன்றும் தோன்றவில்லயா? அதற்கும் கவலைப்ப்பட வேண்டாம். பதிவைப் போடுவதற்கு முன்பு உங்க குழந்தையுடன் அல்லது பக்கத்து வீட்டு குழந்தையுடன்( இது கல்யாணம் ஆகாதவங்களுக்கு.. அந்த குழந்தையின் அம்மா அருகில் இருக்கக் கூடாது :P .. அப்புறம் எங்க போய் அல்லது வந்து குழந்தையை கவனிக்க போறிங்க) சிரிது நேரம் செலவிடுங்கள். அவர்கள் பேசுவதைக் கூட ஒரு பதிவாகப் போடலாம்.( மொக்கை போதும்)

லேகியம் தந்துடறேன்.

1. இணையத்தில் இருக்கும் எல்லா திரட்டிகளிலும் உங்கள் வலைப்பூவை பதிவு செய்துக் கொள்ள வேண்டும். குறிப்பாக தமிழ்மணம் , தேன்கூடு, தமிழ்வெளி, தமிழ்பிளாக்ஸ் இத்யாதி...

2. தலைப்பு மிகவும் பரபரப்பானதாக இருக்க வேண்டும். முடிந்தால் தற்போதய சூடான நிகழ்வுகள் பற்றியதாக இருப்பின் இன்னும் நலம்.

3. கொஞ்சம் புகழ்பெற்ற வலைப்பூக்களில் எல்லாம் சென்று உங்கள் கற்பனா ( மீண்டும் கல்பனா இல்ல) சக்தியை பயன்படுத்தி அந்த பதிவுக்கு சற்றும் சம்பந்தம் இல்லாத வார்த்தைகளை பயன்படுத்தி பின்னூட்டம் போட வேண்டும்.


தலைப்பு எப்படி இருக்க வேண்டும்?

* நீயெல்லாம் ஒரு ஆம்பிளயா? ( ஒன்றா இரண்டா? இணைப்பு கொடுக்க :( )
* நீயெல்லாம் ஒரு பொம்பாளயா? ( ஒ.இ.இ.கொ:( )
* செக்ஸ் கல்வியாம் - அடி செருப்பால
* பிளாக்கர் பாஸ்வேர்ட் ஹைஜாக் செய்தவர்கள் யார்??? ஆதார பேச்சுக்களுடன்!
* எனக்கும் இந்த மெயில் வந்தது என்று ( அழையா விருந்தாளியாக!? ) பாதிக்கப் பட்ட எல்லார் பதிவுக்கும் சென்று வெந்த புண்ணில் வேல் பாய்ச்சி விளம்பரம் தேட வேண்டும். முடிந்தால் நான் மெயில் அனுப்பி அவரை எச்சரித்தேன் அல்லது காப்பாற்றினேன் :( என்று பீற்றிக் கொள்ள வேண்டும்.
* அபிஅப்பா உண்மைத் தமிழரா என அறிவுப் பூர்வமானா சர்வே எடுக்க வேண்டும்.
* உஷார்.. உஷார் .. உங்கள் வலைப்பூ திருடுபோகலாம்!
* எனக்கு வந்த மெயில்
* ஜிமெயில் / பாளாக்கர் பாஸ்வேர்டு திருடு போவது எப்படி
* 20 நிமிடங்களில் அந்த தளம் முழுமையாக கைப்பற்றப்பட்டது
* பெண்களை கவர்வது எப்படி?
* அம்பு குறி இட்ட இடத்தை பார்க்கவும்!
* ஹிஹி .. ஆட்களை திரட்ட பிரியாணி பொட்டலம் வேண்டாம். ( இந்த பதிவு தான் )
இப்படி இன்னும் பட்டியல் போட்டுக் கொண்டே போகலாம்.


பின்னூட்டம் எப்படி இருக்கனும்?
* பத்மபிரியா பற்றிய பதிவில் ஞானி பற்றி எழுத வேண்டும்.
* தொழில் நுட்பம் பற்றிய பதிவில் உங்களுக்கு பிடிக்காதவரை பற்றி திட்ட வேண்டும்
* குறிப்பாக இதை எல்லாம் அதிக பின்னூட்டங்கள் இருக்கும் பதிவில் செய்ய வேண்டும்.
* சுயதம்பட்டம் அடிப்பவரின் பதிவில் சென்று அவரை பற்றி 4 வார்த்தை அவரை புகழ்ந்து( மனதில் திட்டிக் கொண்டு) எழுத வேண்டும். அடிக்கடி அப்படி செய்வதன் மூலம் அவர் நண்பர்கள் பட்டியலில் உங்களை சேர்த்து அவரது பதிவில் அதற்கான இணைப்பையும் கொடுத்துவிடுவார்.

Belive Me.. Its Working yaar... :)

பிகு: இந்த பதிவு ச்சும்மா கலாய்க்கத் தான்.. யாரையும் புண்படுத்த அல்ல... இதில் நான் சில உருப்படியான இணைப்பு(தலைப்பு)களையும் கொடுத்துள்ளேன். யாருக்காவது இந்த பதிவில் ஏதேனும் ஆட்சேபகரமான விஷயங்கள் இருந்தால் தயவுசெய்து பின்னூட்டத்தில் தெரிவித்து விடுங்கள். உங்கள் காரணம் ஏற்றுக்கொள்ளும் படி இருப்பின் அந்த வாக்கியங்கள் நீக்கப் படும். யாரும் ஆபாச பின்னூட்டம் போட வேண்டாம். அதற்கு இங்கு அனுமதி இல்லை :)...