கோவை பதிவர் சந்திப்பு - படங்களுடன் ஃபுல் கவரேஜ்

[படம் : திரு.வின்செண்ட், திரு. குப்புசாமி, திரு.ஞானவெடியான்]

காலை 10 மணிக்கு 2 நிமிடம் முன்பாகவே சென்றுவிட்டேன். தமிழ்பயணி சிவாவும் மஞ்சூர் ராசாவும் எல்லா ஏற்பாடுகளும் முடிச்சி தயாரா இருந்தாங்க. ஞானவெட்டியான் ஐயாவும் குப்புசாமி ஐயா 2 பேரும் உக்காந்துட்டு இருந்தாங்க. அவர்களிடம் அறிமுகப் படுத்திக் கொண்டு காபி குடித்து முடித்து வருபவர்களுகெல்லாம் போன் பண்ணி பேசிக் கொண்டே நேரம் போய்க் கொண்டிருந்தது. பிறகு செல்லா வந்தார். வந்ததும் ரொம்ப டல்லா உக்காந்திருந்தார்.. பத்திரிக்கைகாரர் மாதிரி ஒரு பை வைத்திருந்தார். அதிலிருந்து ஒரு ஒலிப்பதிவு கருவி எடுத்தார். வெளிநாட்டு நண்பர் அனுப்பியதா சொன்னார். அப்போது தான் பயன்படுத்த எடுத்தார் போல. அதில் உள்ள 4 பொத்தான்களையே வெகு நேரம் தேடிக் கொண்டிருந்தார். :)

சிறிது நேரத்தில் தொட்டராய ஸ்வாமி வந்து அடக்க ஒடுக்கமாய் அமைதியாக உக்கந்தார். கொஞ்ச நேரத்தின் சுப்பையா வாத்தியும் கோவை ரவியும் வந்தார்கள். வாத்தி கைய்யில் 3 சால்வைகளும் , கொஞ்சம் சாக்லேட்டுகளும், ஏகப்பட்ட சாமி படங்களும் கொண்டுவந்திருந்தார். சாக்லேட்டுகளை பொறுப்பாக சிவாவிடம் கொடுத்துவிட்டு சாமி படங்களை எல்லோருக்கும் கொடுக்க சொல்லி என்னிடம் கொடுத்தார்.. கடைசி வரையில் யாருக்கும் தரவில்லை என்பது வாத்தியாருக்கு தெரியாது. யாரும் சொல்லிடாதிங்க. :).. சற்று நேரத்தில் புரவி ராம் மற்றும் சிலர் வந்து சேர்ந்தார்கள். இடைஇடையே காபியும் வடையும் ஜூஸும் வந்தது... நன்றி திரு மற்றும் திருமது. மஞ்சூர் ராசா.

[படம் : தொட்டராயஸ்வாமி, ஓசை செல்லா, சுப்பைய்யா வாத்தியார், கோவை ரவி]
... வாத்தியார் படலம் : வந்த உடன் " எனக்கு டைம் இல்ல.. உடனே கிளம்பிடுவேன்..உண்மை தமிழன் என்னை பத்தி 8 பக்கத்துக்கு எழுதி இருக்கார் போய் பாருங்க.. வாத்தியார் பேச ஆரம்பிச்சார்னா நிறுத்த மாட்டார்னு சொல்லி எழுதி இருக்கார்.. எல்லாரும் போய் படிங்க" என்று சொல்லிக் கொண்டே இன்னும் சொல்லிக் கொண்டே இருந்தார்... காபி கொடுத்தோம்... எனக்கு நேரம் இல்லை உடனே கிளம்பனும் என்று சொல்லிவிட்டு எதோ சொல்லிக் கொண்டே குடித்தார்.. பிறகு இன்னும் எதோ சொல்லிக் கொண்டே இருந்தார்.. கொஞ்ச நேரத்தில் வடை குடுத்தோம்.. 10 நிமிஷத்தில் நால் கிலம்ப வேண்டும் என்று எதோ சொல்லிக் கொண்டே சாப்பிட்டார்... கடைசியா ஒன்னே ஒன்னு சொல்லிடறேன் என்று ஒரு 2 வரி ஜோக்கை எப்படி பில்டப் பண்ணி பெரிய ஜோக்காக மாத்தினார் என்று 30 நிமிடம் சொன்னார்... ரொம்ப அவசர வேலை இருக்கு என்று சொல்லிக் கொண்டே எழுந்து தமிழ்மணம் பற்றி சில மணி நேரங்கள் பேசினார்.. நாம 3 மணி நேரம் 3 மணி நேரம் யோசிச்சி எழுதறது சில வினாடிகளில் காணாமல் போய்விடுகிறது... அதனால 150 பதிவுகள் முகப்பில் தெரியற மாதிரி ஸ்க்ரோலிங் வசதி குடுக்க வேண்டும் என்று எல்லாரும் சேர்ந்து தமிழ்மணத்துக்கு கடிதம் எழுத வேண்டும் என்று சொன்னார்.. பிறகு ஜூஸ் குடுத்தோம்.. எனக்கு இதுகெல்லாம் நேரமில்லை நான் போயாகனும் என்று சொல்லிக் கொண்டே ஜூஸ் குடித்துக் கொண்டே பேசிக் கொண்டே உக்காந்துக் கொண்டார்.. தான் சம்பாதிக்க பதிவெழுதவில்லை என்றும் சம்பாதித்துக் கொண்டு தான் பதிவெழுதுவதாகவும் சொல்லிக் கொண்டே கூகுள் ஆட்சென்ஸ் பத்தி பேசினார்.. வெறும் 2 கோடி பேர் மட்டும் பேசும் மொழியை கூட ஆட்சென்ஸ் சப்போர்ட் செய்வதாகவும் தமிழ் மொழியை சப்போர்ட் செய்வதில்லை என்றும் பேசிக் கொண்டே இருந்தார்.. மீண்டும் கடைசியாய் ஒன்றே ஒன்று சொல்லிக் கொள்வதாக சொல்லிவிட்டு.. கூகுளுக்கு இது தொடர்பாய் அனைவரும் ஈமெயில் அனுப்ப வேண்டும் என்று சொன்னார்... ஐய்யா.. நீங்களே அதை எழுதி எங்களுக்கு அனுப்புங்க.. அதை நாங்க ஃபார்வர்ட் செய்கிறோம் என்று சொல்லி எஸ்கேப் ஆய்ட்டோம்.. :)).... இன்னும் எதேதோ பேசிக் கொண்டே இருந்தார்.. எனக்கொரு சந்தேகம்... "சுப்பைய்யா வாத்தியாருக்கு மூச்சு விடும் பழக்கம் இருக்கா?" :P..

தான் வாத்தியாரான / ஆக்கப்பட்ட கதையை சொன்னார்... அது மக்களால் கொடுக்கப் பட்ட பட்டம் என்பதாலும் தனக்கு பிடித்திருந்தது என்பதாலும் அதை வைத்துக் கொண்டதாக சொன்னார்... எம்ஜிஆருக்கு பிறகு சுப்பைய்யா வாத்தியாருக்கு தான் இந்த பட்டம் கொடுத்திருப்பதாக யாரோ ஒரு புண்ணியவான் அடித்துவிட்டார்...

கொண்டுவந்த சால்வையை முதலில் ஓசை செல்லாவுக்கு அணிவித்தார். சென்ற ஆண்டு பதிவர் சந்திப்பை ஏற்பாடு செய்ததற்கு போட வேண்டியதாம். அப்போது வேறு யாருக்கோ போட்டுவிட்டதால், இந்த வருடம் அவருக்கு போடுகிறாராம்.. பழய கடனை செலுத்திவிட்டதாக சொல்லிக் கொண்டார். :).. மொத்தம் 10 பேருக்கு சால்வை அணிவிக்க வேண்டுமாம். மீதம் 9 பேர் கிடைக்கும் வரை பதிவர் சந்திப்பு தொடந்து வருவேன் என்று பயமுறுத்தினார். பயம் எதற்கென்றால்.. அவருக்கு வயசாகிட்டே போகுது இல்ல.. அதனால் இது மாதிரி தொடந்து வந்துட்டு இருந்தா ஒடம்பு என்ன ஆடறது.. அந்த அக்கறையில தான் சொல்றேன். அதனால சீக்கிறமே அந்த 9 பேர் கிடைக்க பிரார்த்திப்போம். :P.... எல்லாம் முடிந்து ஒருவழியாக கோவை ரவி சாரை தளிக் கொண்டு வாத்தியார் நடைஅயி கட்டினார்.. கிளம்பும் போது குலாப் ஜாமுன் கொடுத்தோம். அதை சாப்பிட மறுத்துவிட்டார்... காரணம் கேட்டதற்கு தனக்கு சர்க்கரை எல்லாம் இல்லை.. இனிப்பு சாப்பிட்டால் வெய்ட் போட்டுவிடுவார் என்று டாக்டர் சொன்னாராம்... யாருங்க அந்த மன்சாட்சி இல்லாத டாக்டர்.. :(.. இதுக்கு மேல என்ன வெய்ட் போட்ற முடியும்? :)

கோவை ரவி அவர்கள், தான் பாடகர் SPBயின் நெருங்கிய நண்பர் என்றும் அவர் மீதுள்ள பிரியத்தால் அவர் பாடல்களை தொகுத்து வழங்கி கொண்டிருந்ததாகவும் சொன்னார். SPB கோவை பக்கம் கட்சேரிக்கு வந்தால் இவரை உடன் அழைத்து செல்வார் என்று வாத்தியார் சொன்னார்..

[பரிசல்காரன், ஸ்ரீநிவாசன் பால் ஜோசப், கிரி, கார்த்திக், தியாகு]

ஆரம்பத்திலே அறிமுகப் படலம் முடிந்தாலும் கடைசியாய் வந்த திருப்பூர் தியாகு அறிமுகம் செய்துகொண்டார். முன்னதாக பரிசல்காரன் வெயிலானோடு வந்தார்.. ஸ்ரீ அவர் நண்பர் வினோதோடு வந்தார்... எல்லோரும் ஞான வெட்டியான் ஐயாவுடன் விவாதம் செய்து கொண்டிருந்தார்கள். அவர் 30க்கும் மேற்பட்ட வலைப்பூவில் ஒரு காலத்தில் எழுதினாராம். நிறைய பழமையான நூல்களை சேகரித்து அதை பற்றி வலையேற்றி வைத்திருக்கிறாராம்.

[திரு.சுப்பைய்யா, திரு.கோவை ரவி, திரு.வடகரை வேலன்]

ஸ்ரீபால் தன் நிறுவனம் பற்றி சொன்னார்.. தமிழ்விக்கி என்ற தன் முயற்சியை பற்றி விளக்கினார். விருப்பம் உள்ளவர்கள் அதில் பங்கேற்கலாம் என்றார்... விக்கி தமிழ் மொழிக்கு சரியானது இல்லை என்றும் 1992ல் இருந்தே தான் அதில் பங்கேற்றதாகவும் வழக்கம் போல் தன் நண்பி ஏஞ்செலா என்பவர் அதில் இயக்குநராக இருப்பதாகவும் அவர் தன் தொடர்பில் இருந்தார் என்றும் அடக்கத்துடன் சொல்லிக் கொண்டார்.

குப்புசாமி ஐயா தன் கட்டுரைகளை போட்டுக் கொண்டு படத்தை மட்டும் யாரோ ஒருவர் மாற்றி போட்டுவிட்டதாக சொன்னார்.. ஞானவெட்டியான் ஐயா ஏராளமான பக்கங்களை விக்கிபீடியாவின் தமிழ் பக்கங்களில் உறுவாக்கித் தந்ததாகவும் பிறகு தன் கட்டுரைகள் எல்லாம் தவறு என்றும் அதற்கு எல்லாம் ஆதாரம் கேட்ட்க் கொண்டிருந்ததால் , ஆதாரம் திரட்ட தான் வாழ் நாள் முழுதும் பத்தாது என்பதான் அதிலிருந்து விலகி விட்டதாகவும் கூறினார். மனிதர் அநியாயத்துக்கு விஷய ஞானமுள்ளாவர். இவருக்கு ஞானவெட்டியான் என்ற பட்டத்தை மாபொசி அவர்கள் அளித்தாராம்.

இடையே வடகரை வேலன் .tk முகவரி பற்றிய சந்தேகத்தை கேட்டார்.. நந்து அண்ணா போன்றவர்கள் அதை பயன்படுத்துவதாகவும் அதை பற்றி தெரிந்துகொள்ளாவும் கேட்டார்.. அதை பயன்படுத்துவது ஆபத்து என்றும் அதில் ஆபத்தான நிரலிகள் எழுதப் பட்டிருக்கும் என்றும் சொல்லி குண்டை தூக்கி போட்டார்.. உடனே செல்லா அதை எதிர்த்து வாதிட்டார்.. அமெரிக்கா.. டிஎனெஸ், செக்யூரிட்டி.. வழக்கம் போல் அதிலும் தன் நண்பர்கள் இருப்பதாக வாதிட்டார்.. ஸ்ரீ கொஞ்சம் குழப்பியது உண்மை தான்.. குறிபிட்ட நிறுவனம் வழங்கும் இலவச .tk முகவரி மட்டுமே ஆபத்தானது என்று சொல்வதற்கு பதில் மொத்த .tk முகவரியும் ஆபத்தானது என்று குழப்பிவிட்டார்.. எனக்கு கொஞ்சம் தெரிந்த விஷயம் என்பதால் இதை சொல்லி ஒரு வழியாக விவாதத்தை முடித்து வைத்தேன்..

செல்லாவிற்கு வாத்தியார் சால்வை அணிவிக்கிறார்.

[புரவி ராம் அறிமுகம் செய்துக் கொள்கிறார்]

லதானந்த் படலம் : சுப்பைய்யா வாத்தியார் சென்றதும் லதானந்த் சார் பேச ஆரம்பித்தார்... தான் எதையும் ஜாக்கி வைத்து தூக்க பதிவெழுத வரவில்லை என்றார். சொந்த பந்தம் சுக துங்கங்களை விட்டு வெளிநாடுகளில் வேலை பார்ப்பவர்கள் இணையம் பக்கம் வரும் 10 நிமிடங்களை( நிஜமாவா? :P ) ஜாலியாக கழிக்க வேண்டும் என்று எழுதுகிறாராம். திருக்குறளுக்கு சென்னை பாஷையில் விளக்க உரை எழுதி அதற்கு நல்ல வரவேற்பு இருந்ததாம். பிறகு சில தமிழார்வலர்களின் எதிர்ப்பால் இவரிடம் சொல்லிவிட்டு பாதியில் ஆனந்தவிகடன் நிறுத்திவிட்டதாம். பிறகு பாக்யாவில் எதோ அடல்ட் ஒன்லி தொடர் எழுதினாராம். அதற்கும் பெண்கள் அமைப்பினர் சிலர் எதிர்ப்பு தெரிவித்ததால் பாதியில் நிறுத்திவிட்டார்களாம். பிறகு எதோ குழந்தைகள் தொடர் எழுதி அதை வெற்றிகரமாக தொடர்ந்தாராம். பல பத்திரிக்கைகளுக்கும் சிறுகதைகள் எழுதி இருக்கிறாராம். பத்திரிக்கை வட்டாரத்தில் பல நண்பர்கள் இருப்பதாக சொன்னார்.

தான் எழுதும் விதத்தை பார்த்து யாரோ ஒருவர் சண்டைக்கு வந்ததாகவும், விவாதிக்க தயாரா என்று அவர் கேட்டதற்கு தான் அதற்கெல்லாம் தயார் இல்லை என்றும் சொல்லிவிட்டாராம். புத்திசாலி.. இல்லை என்றால் அவர் நேரத்தை வீணடித்து இருப்பார். அதற்கு காரணம் அவர் மீதுள்ள ஆதங்கம் தான் ( வயித்தெரிச்சலை இபப்டியும் நாகரிகமாக சொல்லலாம் என்றார்) என்றும் " என்னடா நாம பல வருஷங்களா எழுதியும் கிடைக்காத புகழ் இவருக்கு வந்த உடன் கிடைத்து விட்டதே என்று நினைத்து சிலர் இபப்டி நடந்துக் கொள்கிறார்களாம். அதை பற்றி எல்லாம் கவலை படாமல் நந்து, ரவி போன்ற ரசிகர்கள் கடிதங்கள் எழுதி தன்னை உற்சாகப் படுத்துவதாகவும் இன்னும் இருக்கும் ஏராளமான ரசிகர்களுக்காக தான் எழுதுவதாகவும் சொன்னார்.. மனிதர் ரொம்பவே வெளிப்படையாக பேசுகிறார்..

இவர் எழுத்துக்கள் கொஞ்ச ஏடாகூடமாக இருந்தாலும் இவர் அப்பா மற்றும் தாத்தா ஆகியோர் இலக்கிய வட்டாரத்தில் மிகவும் புகழ் பெற்று இருந்திருக்கிறார்கள். சொந்தமாக புத்தகம் மற்றும் அச்சகம் கூட நடத்தினார்களாம். தான் வலைப்பூ எழுத வந்த கதையை ரொம்ப சுவாரஸ்யமாக சொன்னார். அவர் திருக்குறளுக்கு சென்னை பாஷையில் எழுதியதற்கு7 ஒரு சாம்பிள் எடுத்து விட்டார்.. செம ரகளையாக இருந்தது... அதை தன் வலைப்பூவில் தொடர வேண்டும் என கேட்டுக் கொள்கிறேன்.

கொஞ்ச நேரம் இருந்துவிட்டு மதிய உணவு வேளையில் "அதி முக்கியமான" பணி இருப்பதாக சொல்லி ஜூட் விட்டார். :))..

மதிய உணவுக்கு கொஞ்ச நேரம் முன்பிருந்தே " மானமார் வைவார்.. ஊட்டுக்கு போகனும்... வழி விடுங்க" என கீறல் விழுந்த ரெக்கார்ட் மாதிரி திரும்ப திரும்ப சொல்லிக் கொண்டே இருந்தார் வடகரைவேலன். ஆனால் லதானந்த் சார் கூட சேர்ந்து எதோ ஒரு ரெஸ்ட் ஹவுசில் ஜோதியில் ஐக்கியமாகியது தனிக் கதை.. :P
ஒருவழியாக உணவு உண்டதும் வெயிலானும் பரிசல்காரனும் வீட்டுக்கு போக நேரம் ஆகிவிட்டது என்று சொல்லிவிட்டு லதானந்த் சார் இருக்கும் இடத்திற்கு சென்றுவிட்டார்கள். நல்லா இருங்கய்யா... :)

[தியாகு, ஸ்வீட் சுரேஷ்]

நீண்ட நேர விவாதங்களுக்கு பிறகு ஸ்ரீபால் மற்றும் அவர் நண்பர் வினோத் ரயிலுக்கு நேரமாகிவிட்டதான் புறப்பட்டார்கள். அதன் பிறகு தியாகு, அவர் உறவினர் கருவேல் பாண்டியன் மற்றும் ஞானவெட்டியான் ஆகியோர் ஆண்மீகத்தையும் அரிவியலையும் கடித்துக் குதறிக் கொண்டிருந்தார்கள். இடைஇடையே வென்செண்ட் சார் விவசாயம் மற்றும் மர வளர்ப்பு பற்றி உபயோகமான தகவல்களை பரிமாறிக் கொண்டார். பிறகு கார்த்திக் அடுத்த நாள் சென்னைக்கு கல்லூரிக்கு போக வேண்டும் என்பதால் புறப்பட்டார்.

தொட்டராயஸ்வாமி PDF பற்றிய தன் சந்தேகங்களை கேட்டார், அதற்கு தமிழ்பயணி சிவா தெளிவாக விளக்கம் கொடுத்துக் கொண்டிருந்தார். அடிக்கடி தியாகு விலைவாசி, கம்யூனிசம், பெரியாரிசம் என்று புலம்பித் தள்ளினார். நம் கல்வி முறை எதிர்த்துக் கேள்வி கேட்க கற்ரு தரவில்லை என்றும் போராடுபவர்களை உறுவாக்கவில்லை என்றும் 100 முறைக்கு மேல் சொல்லிக் கொண்டே இருந்தார். அதற்கு எவ்வளவு விளக்கம் தந்தாலும் மறுபடியும் அதே பல்லவியை பாடிக் கொண்டிருந்தார். கடைசியாக வந்து சேர்ந்த சேலம் சுரேஷ் விவசாயத்தில் தான் மெற்கொள்ள உள்ள செயல்களையும் லட்சியத்தையும் பகிர்ந்து கொண்டார். அவரிடம் மரவளர்ப்பு பற்றி வின்செண்ட் சார் சொல்லிக் கொண்டிருந்தார். எல்லாவற்றையும் பொறுமையாக கேட்டுக் கொண்டு " விவாசய நிலங்கள் முழுக்க மரம் வைத்துவிட்டால் சோத்துக்கு எங்க சார் போறது" என்று கேட்டார்.. யோசிக்க வேண்டிய விஷயம் தான். அவர் விவசாயத்தில் தோற்றுக் கொண்டே வருவதாக சொன்னதும், அதற்கு நான் சொன்ன சில யோசனைகளை ஏற்றுக் கொண்டு அதை செயல்படுத்துவதாக சொனனார்.. எங்களுக்கு விவசாயம் பண்ணத் தெரியும்ல :))...

மஞ்சூர் ராசா தன் பழய கோவை நினைவுகளை பகிர்ந்து கொண்டார். நீர் வீணாதல், எரிபொருள் வீணாதல், சுற்ற்ச்சூழல் என்று பல விஷய்ங்கள் விவாதத்தித்து ஒருவழியாக 5 மணிக்கு மேல சந்திப்பு முடிந்தது. இறுதியாக வின்செண்ட் சார் தான் கொண்டு வந்த "சர்க்கரை நோய் தீர்க்கும்/குறைக்கும்" சில மூலிகை செடிகளை எல்லோருக்கும் கொடுத்தார்.உண்ட மயக்கதில் மட்டையான ஓசை செல்லா.. காய்ச்சல் என்று காரணம் சொன்னார்.. நம்பிட்டோம்ல. :P

.. அம்மாடி.. கை வலிக்கிது... இதுக்கு மேல "சுருக்கமா" என்னால சொல்ல முடியலை.. ஆளை விடுங்க சாமிகளா.. :)).. 4 வரி எழுதினாலே 4000 எழுத்துப் பிழை இருக்கும்.. இதுல எவ்வளவு இருக்கோ.. பொறுத்தருளும் மகா ஜனங்களே.. :))